Synopsis for Da Jesus Book:
Plenny peopo dat live Hawaii like know bout Jesus. But fo find out who him fo real kine, befo time dey gotta use da English kine Bible. Dat Bible use all kine hybolic kine language, not da kine language dat da regula people talk every day.

Dass why da translata guys wen make da Bible fo da local kine Pidgin. Get 26 local peopo dat stay talk Pidgin from small kid time, dat do um. Dey come from plenny diffren churches. From 1988 to 2000, some a dem work long time an oddas short time, but all togedda dey make dis translation fo da peopo dat stay talk Pidgin, so everybody can find out dea own self bout Jesus, an do um fo real kine.

Had peopo from da Wycliffe Bible Translata guys dat help fo make sure everyting mean da same ting jalike da way da peopo wen write down da Bible firs time. Dey work togedda wit some a da pastor guys from da local churches, and wit odda peopo dat get seminary o spesho kine study. But da main translata guys, dey da ones dat talk Pidgin all da time, cuz dey know wass da bestes way fo say stuff so all da peopo goin undastan.